आरोग्य संकटे व आजीचा संकटनाशक बटवा..

आजी:- या मुलांनो, या या.

मुले:- आलो आम्ही आजी, आलो.

राज:- हे बघ ना आजी सारंगला खोकला झालाय, तरीही तो औषध घेत नाही आहे; सांग ना त्याला.

आजी:- का रे सारंग बाळा, तू औषध प्यायला का नाही म्हणतो आहेस?

सारंगः- कारण ते खोकल्याचे औषध खूप कडू असते.

आजी:- ठिक आहे. मग मी तुला एक गंमत देते.

सारंगः- काय आजी ?

आजी:- ओळख बघू, लाल-लाल फळ.

सारंग:- डाळींब ?

आजी :- बरोबर! घे घे.!!

सारंग:- अरे वा ! मला डाळींब खूप आवडतात. पण ह्याच्याने मला

येणारा खोकला थांबेल का?

आजीः- हो. नक्की थांबेल.

सारंग:- किती बरं झालं, आता मला औषध घ्यावं लागणार नाही.

स्वराः- आई गं, आई गं.

स्नेहाः- अरे बापरे! तुला किती जखम झालीये, रक्तपण येतय.

आजीः- कशी धडपडलीस तू ? रेवा जा बघू पटकन् हळद आण.

रेखाः- हो, हे घे.

आजी:- स्वरा, ही हळद लाव बघू तुझ्या पायाला पटकन्.

स्वराः- रक्तस्त्राव थांबला पण, बघ ना.

आजी:- आता तुझी जखम लवकरच भरेल.

राजः- अगं, आजकालच्या जगात आईबाबांना खूप कामाचा तणाव येतो. यावर काही उपाय आहे का आजी? म्हणजे

ते धड जेवतही नाहीत.

आजी:- यावर देखील चांगला उपाय आहे.

राजः- सांग ना आजी.

आजी:- अळू ही भूक वाढवणाऱ्या थंड पदार्थांपैकी आहे..

राजु:- फक्त एवढेच?

आजी:- हो. यासाठी डॉक्टरांकडे जाण्याची गरज भासत नाही. अरे सारंग काल तू का आला नव्हतास?

सारंग:- अगं आजी मला काल खूप ताप भरला होता. बरं झालं की आम्हाला उपाय सापडला नाहीतर आई-बाबांची नुसती धावपळ चालू होती.

आजी:- मग काय उपाय सापडला?

सारंग:- आईला उपाय एका पुस्तकातून सापडला. त्यात गुळवेलच्या रसाची विधी होती. ती विधी आईने नीट वाचली आणि लगेच माझ्यावर तो उपाय केला. गुळवेल रसामुळे माझा ताप लगेच उतरला.

आजी:- हो गुळवेल आहेच तेवढा गुणकारी.

मुले:- आजी, बुद्धी तल्लख करण्यासाठी काही उपाय आहे का?

आजी:- हो. आहे की! हिरड्याची पूड तुपात घालून रोज एक चमचा खायची. आणि अभ्यासही करायचा. वेदांची तयारी चांगली

मुले :- अगं आजी आज तर तू आम्हाला आयुर्वेदाची चांगली माहिती दिली.

आजी:- हे प्रथमोपचार झाले पण आवश्यकता वाटल्यास मोठ्यांचे ऐका व दवाखान्यात नक्की जा