म .ए .सो .भावे प्राथमिक शाळेत पुस्तकहंडी फोडून विद्यार्थ्यांनी साजरा केला ज्ञानोत्सव

 

महाराष्ट्र एज्युकेशन सोसायटीच्या भावे प्राथमिक शाळेत दहीहंडीचा उत्साहपूर्ण सोहळा साजरा करण्यात आला. यावर्षी दहीहंडी उत्सवाला आगळावेगळा शैक्षणिक रंग देण्यात आला .विद्यार्थ्यांनी प्रतिकात्मक पुस्तकहंडी फोडून शिक्षण व ज्ञानाची गोडी जोपासण्याचा संदेश दिला. कार्यक्रमादरम्यान मुलांनी विविध गीते, नृत्य , घोषवाक्ये आणि पारंपारिक पोशाखातून उत्सवाला रंगत आणली.

शाळेच्या मुख्याध्यापिका माननीय सौ. प्रतिभा गायकवाड आणि उपमुख्याध्यापिका सौ. वृषाली ठकार यांनी विद्यार्थ्यांच्या कल्पकतेचे व सहभागाचे कौतुक केले .

शाळेच्या परिसरात आनंद, उत्साह आणि ऐक्याचे वातावरण निर्माण झाले होते. पुस्तकहंडी फोडण्याच्या या आगळ्या-वेगळ्या उपक्रमामुळे विद्यार्थ्यांना संस्कारांसह शिक्षणाचे महत्त्व अधोरेखित झाले.या उपक्रमातून मुलांना एकतेचे महत्त्व , शिक्षणाची गोडी आणि सहकाराचे बळ समजले .