एच.ए. स्कूल प्राथमिक व पूर्व प्राथमिक विभागामध्ये आज अवतरले विठ्ठल रखुमाई

दिनांक 14 जुलै 2026

डेक्कन एज्युकेशन सोसायटी द्वारा संचलित हिंदुस्थान अँटिबायोटिक्स प्राथमिक शाळेमध्ये आज पालखीचा कार्यक्रम उत्साहात साजरा करण्यात आला. यावेळी शाळेचे सर्व विद्यार्थी वारकऱ्यांच्या , व संत तुकाराम , संत नामदेव, संत रामदास ,संत ज्ञानेश्वर , संत मुक्ताबाई ,संत जनाबाई अशा विविध संतांच्या पोशाखात आले होते. मुलींनी डोक्यावर तुळशी वृंदावन घेतले होते.... तर मुलांनी टाळ , मृदंग , भगवी पताका हातात घेतली होती. शुभ्रा जगताप रुक्मिणी तर स्पंदन शीलवंत विठ्ठलाच्या वेशभूषेत आले होते.

सर्वप्रथम मा. मुख्याध्यापिका सौ सुरेखा जाधव , ज्येष्ठ शिक्षक अर्चना गोरे , डॉ. श्री विठ्ठल मोरे यांच्या हस्ते पालखीचे पूजन व विठ्ठलाची आरती करण्यात आली . यानंतर इयत्ता पहिली ते चौथीच्या विद्यार्थ्यांनी वारीमध्ये वैशिष्ट्यपूर्ण रिंगणाचे सादरीकरण केले. पारंपरिक वेशभूषेतल्या मुलींनी फुगड्या सादर केल्या. इयत्ता चौथीच्या विद्यार्थ्यांनी रिंगणामध्ये पारंपारिक खेळांचे सादरीकरण केले. प्रतिभा पोटघन यांनी सूत्रसंचालन केले , योगेश आंबेकर यांनी मुलांना गोष्टी रूपात पालखीची माहिती सांगितली. यानंतर शाळेचे बाल वारकरी विठू नामाचा गजर करत , अभंग म्हणत एच. ए. कॉलनी मधील विठ्ठल मंदिरात दर्शनासाठी गेले. त्यांच्यासोबत आमच्या बाल विठ्ठल रखुमाई ने सुद्धा मनोभावे विठ्ठलाचे दर्शन घेतले जगातील सर्वांना सुखी व आनंदी ठेव अशी विठ्ठल चरणी प्रार्थना केली. संपूर्ण कार्यक्रमाची तयारी इयत्ता चौथी ने केली होती.

यावेळी समीक्षा इसवे , अनघा कडू , सीमा हांगे , अनिता येनगुल , डॉ.विठ्ठल मोरे , रत्नाकर वरवडेकर यांनी भजन, अभंग गाऊन वारकऱ्यांना साथ दिली. यावेळी विद्यार्थ्यांना शेंगदाणा चिक्की हा प्रसाद देण्यात आला.

*शब्दांकन*

सौ. शहनाझ हेब्बाळकर