वाहू लागला पहाटेचा गार वारा
जागा झाला आसमंत सारा
कुहूकुहू स्वर कोकिळेचे
कानाला वाटले मधूर
दूर झाला खिन्न अंधार
आता सरली रात
उगवली तेजोमयी पहाट
फिरत आहे प्रसन्नतेची वाट
गगनात रंगला सप्तरंगी थाट
आसमंतीच्या गर्भातून सूर्य वर आला
आता अरुणोदय झाला
आली फुलांवर फुलपाखरे
परत वाहू लागले झरे
ही आहे देणगी मिळालेली निसर्गातून
हे पाहून प्रसन्न झाले मन
या वेगळ्याच उत्साहात
झाली दिवसाची सुरुवात
- श्रावणी प्रशांत देशमुख, ७ वी,
शिशुविहार प्रा. शाळा, कर्वेनगर