औषधांपासून दूर ठेवणारा पानकोबी

सर्व ऋतूंत मिळणारा आणि सर्वसामान्यांना सहज परवडणारा एक अन्नपदार्थ म्हणजे पानकोबी. प्राचीन काळापासून कोबीचे औषधी गुण माहीत आहेत. अनेक औषधी गुण कोबीमध्ये आढळून येत आहेत. विशेषत: कोबीचं अ‍ॅसिडिटीच्या, अल्सरच्या आणि कर्करोगाच्या प्रतिबंधातलं आणि उपचारातलं महत्त्व, शास्त्रज्ञांचं लक्ष वेधून होत आहे. आजच्या ताणतणावांनी भरलेल्या जीवनात अ‍ॅसिडिटी आणि अल्सरचं प्रमाण वाढत आहे. त्यासाठी अँटॅसिड औषधं घेऊन तात्पुरता आराम मिळतो. याउलट १ कप कोबीचा रस सकाळी अनुशापोटी एकदा आणि दिवसभरात आणखी एक-दोन वेळा घेऊन, अ‍ॅसिडिटीचा त्रास काही दिवसांतच खूप कमी होऊन, कालांतराने पूर्ण थांबतो. चार कप कोबीचा रस, रोज चार वेळात विभागून घेऊन गॅस्ट्रिक आणि ड्युओडेनल अल्सर इतर उपचारांच्या तुलनेत खूपच लवकर पूर्णपणे भरून येतात. कोबीमधील चोथ्याचे (fibar) भरपूर प्रमाण बद्धकोष्ट व्हायला प्रतिबंध करतं. तर, त्यातील टायट्रॉनिक अ‍ॅसिड या घटकामुळे आहारातील जास्तीच्या उष्मांकाचे चरबीमध्ये रूपांतर होण्याच्या प्रक्रियेला आळा बसून, वजन कमी व्हायला मदत होते. कोबीमधील या गुणांचा फायदा शरीराला थोड्या थोड्या मात्रेत मिळवण्यासाठी, त्याच्या मर्यादित प्रमाणात वापर शक्यतो रोज केल्यास फायद्याचा ठरतो. यासाठी तो कच्चा खाणे जरूरीचे असते. रोजच्या आहारात कच्चा कोबी वापरण्यासाठी काही पदार्थांच्या कृती देत आहे.